मुंबई : उद्या, बुधवारी, २१ जून रोजी आंतरराष्ट्रीय योगदिन साजरा होत आहे. त्या निमित्ताने बृहन्मुंबई महापालिकेच्या वॉर्ड क्रमांक तीसमध्ये विशेष कार्यक्रमाचे आयोजन करण्यात आले आहे. २१ जून रोजी सकाळी सात ते साडेआठ या वेळेत हा कार्यक्रम होणार आहे. भाजपच्या नगरसेविका आणि महिला-बालकल्याण समितीच्या सदस्या लीना पटेल-देहेरकर यांनी या कार्यक्रमाचे आयोजन केले आहे.
या वेळी नगरसेवक आणि मंडळाचे अध्यक्ष दीपक तावडे, महामंत्री संजयसिंह, सुनील अंकम, वॉर्ड अध्यक्ष किशोर विठलानी, वॉर्ड महामंत्री अशोक हरियाणी, किरणभाई शाह, महिला मोर्चा अध्यक्षा मीना मोता, युवा मोर्चाचे अध्यक्ष नीलेश दानानी उपस्थित राहणार आहेत. नागरिकांनी कार्यक्रमाला आवर्जून उपस्थित राहावे, असे आवाहन वॉर्डातील, तसेच मंडळाच्या पदाधिकाऱ्यांनी केले आहे.
स्थळ : जोगळेकर नाल्यावर, एस. व्ही. रोड, बालभारतीय शाळेच्या बाजूला, कांदिवली (प.), मुंबई-६७
